first Dish ,الطبق الاول

السلام عليكم كيف حالكم  مع الاختبارات ؟؟؟

اممممم بكتب اليوم عن طبخة مع اني مو خبيرة ف الطبخ وكذا بس احب اسوي اشياء سريعة 

طيب انا سويت مكرونة مكوناتها نوعا ما غريبة بس شي يمييي

بادخل بالطريقة على طول

اول شي سلقت المكرونة مع شوية زيت وملح

بعدين حطيت زبدة وقطعت فلفل اخضر او فليفلة وذرة

المفروض اضيف نوع من اللحوم بس مامداني فا حطيت مورتديلا ديك رومي وحطيت عليهم البهارات بدون نسب معينة فلفل اسود ومكعب ماجي ودقوس وملح وتشيلي بودر وكريمة طبخ بس انتبهوا في كريمة طبخ وكريمة للحلويات وممكن نضيف شطة وكذا بس استبعدتها لان تخلي لثتي ملتهبة

هذا شكل بعض المكونات

اخر شي اضفت المكرونة وحركتها شوية وبالعافية

اللي تجربها تقولي =)


حسابي ف ask 

ask.fm/Bee_Happpy



مع السلامة.....

"vaseline lip therapy" معالج الشفايف من فازلين

السلام عليكم كيف حالكم  ؟؟

اليوم بسوي ريفيو بسيط على الفازلين ليب ثيربي "vaseline lip therapy" بما انه ماشفته متوفر عندنا ويمكن افيد وحده تفكر انها تجيبه

اول شي بتكلم عن القوام واضح بالصورة من اللمعة هو زي الجل قوامه جدا خفيف وكمية بسيطة تكفي اللي عندي ب الصبار بدون لون ريحته جميلة  وفي انواع ثانية بزبدة الكاكو و الاوريجنال وغيرو استنى يخلص اللي عندي واجربهم

هو شي علاجي وممكن مرطب بس عن نفسي ماحب احطه وفوقه احط روج لان يكون طبقة خفيفة زيتية نوعا ما واخاف احطه واطلع بالشمس عشان عادا الفازلين يسمر بالشمس 

كيف استخدمه؟؟

احطه قبل النوم واحط كمية كبيرة شوية بس لما اصحى يكون اختفى 

النتايج اللي لاحظتها ؟؟

اولا نعوومة نعووومة

ثانيا اذا طولت وماسويت تقشير للشفايف هو لحاله يقشرها 

ثالثا الخطوط اللي بالشفايف اختفت وفرق معي جدا خصوصا لما احط روج مات او مطفي يعني

بس ترى مايورد الشفايف ولا شي هو معالج ويبين الشفايف صحية 

العيوب :

اتوقع انه للان ماتوفر عندنا  لازم طلبية او من التاجرات انا اخذته ب تقريبا 5 دولار من هنا 

http://www.ebay.com/itm/Vaseline-Lip-Therapy-Petroleum-Jelly-20gr-Pocket-Size-Lip-Balm-Treatment-/261370841750?pt=US_Skin_Care&var=&hash=item3cdaea8a96

معليش انتو سوو كوبي بيست ماعرف احط الروابط

والعيب الثاني انو لما اصحى واغسل شفايفي لازم لازم احط مرطب ثاني لانه يشد او ينشف الشفايف 

هذا بوست اليوم واي استفسار او اي شي اكتبو في الكومنتات او هنا 

http://ask.fm/Bee_Happpy

التشقير

السلام عليكم كيف حالكم؟؟؟

يالله من زماااان عن التدوين وحشني =(

بكتب عن حواجبي وكل شي يتعلق ب كيف اسوي حواجبي بسم الله نبدا

بالنسبة للتشقيراشقر اوقات في الصالون بس اغلب الاوقات في البيت ومو دايما اشقر يمكن كل شهر او شهرين او اذا كنت رايقة  حتى صبغة ماصبغ الا في المناسبات احس الصبغة تطيح الشعر وانا انسانة اخاف ع حواجبي بطريقة فظيعة
هذه العدة بشكل عام


اولا المشقر و الاكسجين انا استخدم مشقر ويلا و اكسجين برضو ويلا بحط لهم صورة اوضح


قبل اتكلم في نقطة مهمة اذا اخذتي الاكسجين من ويلا عندهم واحد غطاه ذهبي وواحد بنفسجي انتي خذي نفس اللي بالصورةوبصراحة هي شوي تسبب حكه وانا حاطتها و لما اغسل تسوي احمرار بسيط بسرعة يروح اشوفه شي طبيعي لانها كيماويات مضرة , من زمان اقول ابي ابدل النوعية صح انها ماضرتني فوق السنتين استخدمها بس حابة اجرب شي جديد بس متى؟؟ مدري
المشقر عبارة عن باودر و الاكسجين سايل احط منهم بنسب متساوية واخلطهم كويس بس قبل ابدا امشط حواجبي وادهن منطقة الحواجب بفازلين عشان يحمي من الاتهاب و يسهل الرسمطيب متوفرين باي صيدلية بالنسبة لاسعارهم اقل من ال 20 ريال
بعدين ابدا التشقير انا بصعوبة اظبط حواجبي ف لجأت لاختراع خطير عن نفسي قريب اكتشفته اللي هو هذا الشي 




تذكرت اكتب اسمي ع الصورة بس ماتوقعت يطلع ابرة في كومة قش المهم هذا جزء من الاشكال اللي عندي بس اعترف مو كل الرسمات حبيتها وناسبتني فاضطر اغير في الرسمه بحيث انها تناسب وجهي  المهم هذا شي بلاستيكي او ستنسل اسمو اختار الرسمه واحطها ع الحاجب واحدد الحاجب بقلم غامق  بعدين الشعر اللي ماتحدد اشقره  وانتظر 20 دقيقة بعدين اغسل حواجبي كويس وخلاص كذا خلصت التشقير بس احط كريم مرطب اهم شي طبي و خالي من العطور حاليا استخدم افين 
و بس خلصنا الحواجب

سويت حساب في الآسك عشان لو في اقترحات ارآء او اي اي شي 

http://ask.fm/Bee_Happpy

افضل جهاز يومي لتنظيف البشرة

مرحباا كيف حالكم؟؟



 واضح من الصورة وش بتكلم عنه بس لاتعليق ع الصورة يعني قديمة وكذا ومامداني ارجع اصور الفرشاة لحالها بدون الحوسة اللي حولها

طيب بسم الله نبدا
ماتوقع مافي وحدة ماكتبت عن فرشاة الكلارسونيك بس انا بكتب عنها بحكم تجربتي اللي دامت معها ل سنة تقريبا
بتكلم بشكل مفصل عن الفرشاة بعدين اكتب تجربتي معها اولا الفرشة ماتباع عندنا او مدري يمكن سيفورا بدا يبعها ؟ بس اكيد  تحصلونها عند التاجرات او اون لاين وانا طلبتها اون لاين وسعرها مرتفع شوية فوق ال 500 ريال بس اشوفها استثمار كويس ويدوم معك لسنين اهم شي "استثمار" ههههه ماعلينا الفرشة لها عده الوان وفي اشكال زي كذا

بس مو دايما متوفرة الاشكال المهم يطلع معها غسول صغير وشاحن مغناطيسي كيووت و شي زي الكفر يحميها اذا سافرتي  والجهاز ضد المويه يمديك تستخدميه تحت الشاوور والفرشاة لها كذا نوع  منها كلاريسونك ميا وبلس وكلارسونيك ميا 2 زي اللي معي بالصورة , راس الجهاز اللي هو الفرشة كل ثلاث شهور يتبدل والفرشة نفسها لها عدة انواع وحدة للبشرة الحساسة واللي لحبوب الشباب و للمسامات بس الجهاز يطلع معه الفرشاة اللي تناسب كل البشرات انا اللي عندي كلاريسونك 2 فيها سرعتين عكس ميا سرعة وحدة بس صراحة ماحس مهم يكون فيه سرعتين وفيها تايمر او مؤقت يشغل الجهاز لمدة دقيقة كاملة 20 ثانية للانف والذقن و20 للجبهه و10 لكل خد وكيف تعرفين انه خلصتي الجبهه مثلا؟ الجهاز يطنطن عشان تنتقلين للجهه الثانية وهذه المدة اللي المفروض تفرشين وجهك والفرشة تساعد ع امتصاص السيروم والكريمات بشكل اسرع 
طيب كيف نستخدمها حطي الغسول اللي يعجبك ع اللفرشة وحركيها بشكل دائري لان الفرشة ماتلف بس تسوي ذبذبات سريعة وايش في بعد تقريبا بس هذه معلوماتي عن الفرشاة

نجي الحين لتجربتي تجربتي مع الفرشاة دامت تقريبا سنة زي ماقالت في البداية قريت كثير ريفيوز يقولون طلعتلهم حبوب بس الحمدلله انا ماوجهتني هالمشكلة واول مرة استخدمت الفرشة حسيت بفرق كبيررر بشرتي كانها تتنفس لا صدق تنظف الوجه من قلب لما ماستخدمها ماحس وجهي نظييف وخففتلي الحبوب وصرت استخدمها مرة وحده باليوم الا اذا حطيت مكياج استخدمها مرتين لان اعتبرها جزء من روتين ازالة المكياج مهما يمسح المزيل لما استخدم الفرشاة تطلع بلاوي  الفرشاة ماتبيض ولا شي لا بس تنظف وتنعم البشرة وتخفف من مشاكل البشرة لان كون البشرة نظيفة شي جدا مهم ياخر علامات تقدم سن البشرة  واكيد لو استمريت اكثر ع استخدام الجهاز بشوف نتايج احسن بس الصدمة اللي صارت ان الفرشاة اختربت ايوة اختربت صح كم مرة تطيح مني وصامدة تشتغل عادي بس اخر مرة طاحت طيحة محترمة وبطلت تشتغل مدري اذا في احد يصلحها هنا ؟ او اشوف بديل اخر للفرشاة في بنات يستخدمون فرشة بودي شوب بس ماحسها بديل عن كلاريسونك 

ان شاء الله افادكم البوست وانتو تفيدوني بحل ...

Eye Makeup Remover

مرحبا استعدتوا للدراسة ؟؟

اليوم البوست طويل شوية , قررت اكتب عن ازالة المكياج هو شي جدا مهم مايحتاج اتكلم عن الاضرار الي يسببها المكياج اذا مامسحناه بس بتكلم عن منتجات انا جربتها خاصة بالعيون مش للوجه بس على راحتك اذا حابة تحطيها في وجهك
حبيت ابدا بمنتجات مش غالية عشان تصير في متناول الجميع متعوب ع الكلمة هههههه
بالنسبة للصور كلها بحطها من النت لان البرودكتس خلصتها من زمان 

هذا من نيفيا متوفر في السبوبرماركت الصيدلية وسعره معقول بس نسيت الصراحة يجي نص زيت ونص سائل لان الطبقة الزيتية تساعد في ازالة المكياج بشكل اسرع حبيته عادي مافيه شي مميز ولما خلصته قررت اجرب شيئين من شركة وحده 

من لوريال متوفربالصيدلية والسبوبر ماركت والاسعار برضو ماتذكر بس مش مرتفعة لما جربتهم حسيتهم نفس نيفيا بالضبط وبعدين اخذت

من جونسون فيه طبقة زيتية مرره مررره حبيته يمسح بسرعة وخيفيف على العين عن نفسي عجبني اكثر من اللي فوق وانصح فيه بس بما اني من النوع اللي احب اغير كل شوي فا لما خلصته قررت اني اجرب شي جديد وكان

من سيفورا سعره كان في ال 20 نفس النظام طبقة زيتية وطبقة سايلة اخذت الترافيل سيز اللي هو الحجم الميني عشان لو ماعجبني وفعلا ماعجبني كأن قلبي حاس ههههههه بس انتظرت يخلص وجربت 

من ذي بودي شوب بزهرة ال camomile الصراحة مادري وش تطلع وبالنسبة للاسعار معليش عندي مشكلة ماتذكر سعره بس مو غالي نفس الشي اخذت الحجم الميني من البحرين مادري اذا يتوفر هنا ولا لا بس زعلت لما اكتشفت انه مايحتوي على طبقة زيتية سائل بس ماتوقعت انه يعجبني مررره حبيته اذا عجبكم جربو الميني سايز لان مو شرط ناسبني يناسبكم 
اتوقع اني مخططة اجرب كل مزيلات المكياج اللي بالعالم فاجربت بعده هذا 

من غارنييه اتوقع كان للوجه مو بس العيون مخصص للبشرة الدهنية قوامه كريمي للاسف في اسواقنا مايتوفر اللي يجي بطبقة زيت عجبني يمسح وكل شي بس حجمه مررره كبير طفشني عشان يخلص ترى انا وحده احب كل شوية ابدل 

وفي مزيل وحده قالتلي عنه من بورجوا وكل مارحت اشتريه قالوا مافي مايندري انقطع من السوق ولالا الله اعلم
فامدري وش اجرب اتجه لمزيلات الهاي اند ؟؟ 

طيب نهاية البوست من كل الاشياء اللي جربتها اللي ممكن ارجع اشتريهم جونسون وذي بودي شوب والباقي طبعا مو سيئين بس فضلت جونسون و بودي شوب عنهم وترى ممكن نلجا لطرق ثانية لازلة المكياج في مناديل مزيلة للمكياج وفي ناس تستخدم الفازلين او الزيوت لانها تفيد العين ونفس الوقت تمسح الميك اب حاليا عندي زيت الجوجوبا بس مادري متى اقرر استخدمه

كذا خلص البوست 

see you

غسولات الوجه

مرحبا ,,,

اليوم بكتب عن غسولات الوجه اللي جربتها على مدار سنة وشوي بس في البداية اوضح نوع بشرتي هي دهنية مختلطة والحبوب بين كل فترة وفترة تطلع وشسمه مو شرط اللي يناسبني يناسبك والعكس صحيح بس قبل ابدا عندي نصيحة صغيرة ممكن الاغلب يعرفها بس مايضر اني اعيدها نهائيا لاتغسلي وجهك بالصابون العادي لانه مش المخصص للوجه وبشرة الوجه ارق عن اليد والجسم 

اولا شي غسول  clean&clear الاصفر بالليمون

هو احلى شي فيه انه صدق يبرد الوجه حلو للصباح بس ماناسبني كثير لانه بعد ماغسل وجهي وقبل ماحط الكريم المرطب بشرتي تصير مررررة مشدودة و هذا شي مش كويس  وسعره اتوقع في حدود العشرينات الى الثلاثينات ومتوفر في الصيدلية او السوبرماركت

الغسول الثاني clearasil 

اكثر شي عجبني فيه ريحتو ايوة ريحتو حبيتها , هو عجبني عادي يعني الحمدلله ماطلع لي حبوب ولا شي وسعره كمان في حدود العشرينات ومتوفر بالصيدلية شي حلو بسعر بسيط

ثالث واحد Neutrogena بالقريب فروت  

اللي حمسني اشتريه شفت كثير ريفيوز ايجابية عليه غير كذا دايما مخلص في السوبر ماركت المهم جربته وحبيته و ماشفت له اثار جانبية وسعره 45 ريال متوفر بالصيدلية و السوبرماركت 

اخر شي واحلى غسول جربته اللي كل مايخلص ارجع اشتريه

 Avene

هذه شركة فرنسية طبية و اغلب منتجاتها تخص البشرة الدهنية الغسول خفيف و نهائيا مايشد البشرة بس مو معناته مانرطب البشرة بعده ومن وجهة نظري ماشوف فيه اي عيوب ,سعره زمان كان يمكن 50 بس مدري ليه يحبون يرفعون الاسعار =( حاليا صرت اخذه ب 110 ريال ومتوفر  بالصيدليات

بس هذه الاربع غسولات اللي جربتها خلال السنة بس افين مو جديد علي من يومي استخدمه 

وافكر اجرب شي جديد من بايودرما او كلينيك امممم في احد ينصحني بشي؟؟

wet n wild lipsticks "ارواج وت ن ويلد"

كل عام والجميع بخير وصحة وسلامة

اليوم عيد والناس منشغلة وانا فجاة قررت اكتب اول ريفيو لي اللي هو عن ارواج  "wet n willd" 

طبعا طبعا الكل عرفها وفي الي جربتها واللي ماجربتها هي ماركة اتوقع امريكية بس
مش متوفرة بالسعودية ممكن تطلبيها اون لاين او من التاجرات سواء انستقرام او غيرو المهم قررت اني اجربها اخذت لون اسمه  "ravin raisin" بس معليش ماعرف كم درجتو , لونه جميييل مايل للبنفسجي الغامق  هذا لونه في له سواتشز في النت 

من واقع تجربتي للروج اللون جدا ثابت وواضح انا مدري اذا ينشف الشفايف ولا لا لاني احط مرطب قبله غير كذا سعره مررة معقول  في حدود العشرين او الثلاثين مو اكثر والوانهم كثييييرة , اذا حابة ارواج باسعار منخفضة وكويسة انصح فيها بس في عيب واحد الباكج او علبة الروج والغطاء يبغالهم عناية لانه الروج يوصخها


وبس كذا خلص الريفيو .......

 ان شاء الله يكون الريفيو او المراجعة افادتكم 

واي سؤال انا حاضرة =)

           

=)

مرحبا كيف حالكم ؟؟

طبعا هذه اول اول تدوينة لي في ال blog وسبحان الله على كثر ماقريت تدوينات 

البنات ماتوقعت انه ممكن يجي يوم واكتب 

فا ان شاء الله زي ماستفدت افيد اممممم و بس 

see you